Ang Lokal na Pamahalaan ng bayan ng Real, katuwang ang Tanggapan ng Pambayang Manggagamot at ang Telemedicine Project ng DOH CaLaBaRZon ay nagsagawa ng libreng Online Medical Video Consultation noong ika-15 ng Abril 2021. Ang mga doktor sa kabilang linya ay isang General Surgeon at isang Internist mula sa Quezon Medical Center. Ang mga pasyente ay nakatipid sa pamasahe, pagkain at professional fee dahil hindi na nila kinailangan na magtungo sa malaking hospital.
Para sa mga gustong magpa-konsulta, maaari po kayong makipag-ugnayan sa mga Midwife o Nurse na nakatalaga sa inyong mga barangay.
