Sa muling pagbubukas ng turismo sa Bayan ng Real, nagsagawa ng inspection and monitoring sa border control point sa Barangay Llavac at sa mga beach resorts sa pangunguna ni Tourism Operations Officer I Benirose Marie V. Talabucon kasama ang ilang kawani ng Pamahalaang Bayan.
Dito ay tiningnan ng bumubuo ng Monitoring Team kung nasusunod ng mga pumapasok na bisita ang mga travel requirements sa pagpasyal sa mga tourism destinations gayundin ang mga nagpapatakbo ng resorts, cottage rentals at iba pa.
Tinalakay din sa mga may-ari ng panturismong establisimyento ang Kautusang Bayan Blg. 33 kung saan nakasaad dito ang maaaring ipataw na paglabag kung ang mga ito ay hindi sumunod sa itinakdang patakaran.
#RealeñoDisiplinado
#RealeñoProduktibo
#GodBlessReal
#AksyonDiretso
