Pebrero 23, 2021 | Supplemental Feeding Program

Sa kapahintulutan ng ating butihing Punong Bayan Bing Diestro-Aquino, ang masisipag na lingkod bayani ng Municipal Health Office sa pangunguna nina Municipal Health Officer at Municipal Nutrition Action Officer Dra. Maricris M. Uy at Nutritionist-Dietitian Roxan Marie E. Revellame, kasama ang Municipal Social Welfare and Development Office, sa katauhan ni Social Welfare Officer Larrylyn S. Crisostomo, ay nagsagawa ng pamamahagi ng nutri-oats at mineral water para sa mga underweight at severely underweight na mga kabataan na may edad na 24 hanggang 48 buwan mula sa mga Barangay ng Tignoan, Capalong at Kiloloron.
Hangad ng pamahalaan na matulungang mapaganda ang pangangatawan at mapalakas resistensya ng mga bata upang sa pagdating ng panahon ay may panlaban sila sa anumang sakit na maaaring dumapo sa kanila.