Pebrero 8, 2021 | Pagtataas ng Bandila

Sa pangunguna ng Sangguniang Bayan, sinimulan ang isang linggo ng paggawa ng Lokal na Pamahalaan at nagbahagi si Ptra. Agnes America ng mga paalaala mula sa Biblia tungkol sa pagkakaroon ng tunay na kaligayahan. Iniulat ni Dra. Maricris M. Uy, ang ating Pambayang Manggagamot, na ang kanilang tanggapan ay nagsimula na sa pagbabakuna kontra tigdas at polio sa Barangay Ungos, Poblacion 1, Poblacion 61 at Llavac na kung saan 780 na mga bata ang nabigyan ng para sa tigdas at 919 na bata naman ang nabigyan para sa polio. Binanggit din niya na kinukuha na nila ang mga datos para sa COVID-19 vaccination.
Kaugnay ng iniulat ni Dra. Uy, tinawag ni Mayor Bing Diestro-Aquino ang atensyon ng mga Job Order upang magbigay ng tulong sa health center sa pag-encode ng mga kinakailangang data hinggil sa pagbabakuna kontra COVID-19.