Sa pangunguna ni Gov. Danilo E. Suarez, ginanap ang pulong ng Inter-Agency Task Force ng Lalawigan ng Quezon na virtual na dinaluhan via Zoom nina Vice Mayor Joel Amando A. Diestro, Incident Commander Ricky A. Poblete at Municipal Administrator Filomena M. Portales.
Binigyang diin dito na kailangan ang pag-iingat ng buong lalawigan at maging masigasig sa pagbabantay sa mga papasok sa mga bayan sa Quezon at paalalahanan ang mga kababayan na tanging ang mga may essential travels lamang ang magpunta sa mga lugar na nasa ilalim ng General Community Quarantine (GCQ).
Ito ay bunsod ng Resolution No. 104 na inilabas ng National IATF na nagsailalim sa National Capital Region, Bulacan, Batangas, Cavite, Laguna at Rizal sa GCQ.
#RealeñoDisiplinado
#RealeñoProduktibo
#GodBlessReal
#AksyonDiretso
